因為疫情關係小朋友無得出去玩，同時興趣班亦要暫停，趁就快聖誕節，不如齊齊畫聖誕老人，一方面解悶，另一方面畫定一幅靚畫等待聖誕老人來臨派禮物。以下3個網站，都係step by step教大家畫畫，同時可以下載工作紙，讓小朋友可以填顏色解悶。
1.Let’s draw kids
https://letsdrawkids.com/lesson/how-to-draw-santa-claus
小朋友可以睇片學畫聖誕老人，同時附上有步驟的工作紙，父母可以打印幾份出來俾仔女跟住畫。影片教學簡單清晰，就算無繪畫基礎嘅小朋友都可以畫到，能夠親手畫出整個聖誕老人非常有成功感。
2.Art projects for kids
https://artprojectsforkids.org/draw-santas-face/
線條和圖案都比較簡單，9個步驟便完成一幅畫，即使係幼稚園程度嘅小朋友也可以跟得上，同時附有工作紙，家長們可以先打印出來，小朋友可以慢慢練習，記得最後要幫聖誕老人填色啊！
3.Cool 2B kids
https://www.cool2bkids.com/how-to-draw-santa-clause/
同樣是按步就班教小朋友畫聖誕老人，不過教學線條和步驟都比較多，適合有繪畫基礎程度嘅小朋友，要17個步驟先可以完成整幅畫作，但成品較精細，家長們不妨陪仔女一齊畫，都係一個唔錯嘅親子活動。