大家都被搞笑動漫 #天竺鼠車車 迷倒，就連現實中天竺鼠被外界關注，圓滾滾身體加上無辜表情，令到很多人都成為佢哋嘅Fans，但大家知唔知，原來天竺鼠係南美洲秘魯有名傳統美食，每年夏天和秋天，當地都會舉行天竺鼠節，比賽過後呢班車車就會變成桌上美食…….
天竺鼠節當日，當地人會幫佢哋著上迷你版傳統服裝，打扮成國王、農夫、歌手等等，然後由評判選出「穿最佳服裝造型」、「身材最大隻」以及「跑得最快」天竺鼠，當比賽結束後輸咗嘅天竺鼠就會變成食物………
對於世界各地嘅人，食天竺鼠當然會覺得好驚訝，咁可愛嘅小寵物點解要食呢？但對秘魯人來說係好平常一件事。天竺鼠原生喺南美洲安第斯山脈，又叫做豚鼠、葵鼠，當地居民則稱呼佢哋為「cuy」。天竺鼠肉含有高蛋白質，而且膽固醇含量低，更重要係唔需要花太多錢就能飼養，對生活喺山脈地區嘅南美人，係非常方便而有營養美食，由千幾年前開始，天竺鼠已經係秘魯居民主食。