放假最想遠離煩囂，去貼近大自然嘅地方度假，最好可以同一班可愛動物體驗生活，比利時度假村Pairi Daiza Resort可以一次過滿足所有願望。結合了休閒和動物園概念，打造出人與動物和諧共處度假勝地，就好似身處喺大自然一樣，好夢幻啊！
每一間客房都有一個大玻璃窗，旅客可以透過大窗欣賞到動物日常生活，其中最受歡迎就係海象，佢係酒店嘅生招牌同大明星，好喜歡同旅客互動，睇住一班海象遊來遊去，好似去咗水族館一樣。
除咗海象，酒店還有黑熊、狼、企鵝、老虎、小鹿等等，每一間客房都有唔同特色，有些高級套房仲可以見到北極熊，同時北極熊區域通過「國際北極熊組織」調查和批准，認為係世界上最好北極熊生活地方之一，佢哋生活非常自在舒適。
每人都有專人負責清潔房中玻璃窗，確保一塵不染。度假村負責人表示，動物們可以長時間看到客房中情況，所以遊客唯一要擔心就係隱私問題了。